Дзюдо. Астана "Barysy Grand Slam" турнирига қуръа ташланди

Эртага Қозоғистоннинг Астана шаҳрида дзюдо бўйича "Катта Дубулға" туркумига кирувчи турнир старт олади.

Мукофот жамғармаси 154 000 еврони ташкил қилувчи Барйсй Гранд Слам 2024 мусобақасида дунёнинг 5 қитъаси 87 давлатидан жами 455 нафар (238 эркак, 217 аёл) дзюдочи иштирок этади. Улар орасида Ўзбекистон терма жамоасининг 12 нафар дзюдочиси ҳам бор. Ҳозиргина мусобақага қуръа ташлаш маросими бўлиб ўтди.

Терма жамоамиз дзюдочилари учун қуръа натижалари:

Аёллар
-48 кг: Ҳалимажон Қурбонова — Наташа Феррейра (Бразилия)
-52 кг: Гулҳаё Жўраева — Алесия Кузнетсова (АИН)
-52 кг: Сита Кадамбаева — Балнур Абдешова (Қозоғистон)
-57 кг: Шукуржон Аминова — Ҳасрет Бозкурт (Туркия)
-70 кг: Гулноза Матниязова — Фидан Огел (Туркия)
-70 кг: Шоҳиста Назарова — Эбони Дрисдейл (Ямайка)
-78 кг: Ирисхон Қурбонбоева — Ҳсу Шу Ванг (Хитой Тайпейи)/Даря Кантсавая (АИН)
+78 кг: Рината Илматова — Кинга Волжчак (Польша)

Эркаклар
-73 кг: Муҳаммадяҳё Маҳаммаджонов — Муса Шабданбеков (Қирғиз Республикаси)/Дастан Шаяхметов (Қозоғистон)
-81 кг: Шарофиддин Болтабоев — Теодорос Демурсидис (Греция)/Доминик Рессел (Германия)
-81 кг: Нурбек Муртазоев — Мади Амангелди (Қозоғистон)/Алан Хубетсов (АИН)
-100 кг: Эрназар Сарсенбаев — Луис Маи (Германия)

Маълумот учун, Астана "Катта Дубулға" турнири Абу-Даби шаҳри мезбонлигидаги жаҳон чемпионати ҳамда Париж-2024 Олимпиадаси олдидан ўтказиладиган сўнгги ИЖФ мусобақаси ҳисобланади. “Замин” янгиликларини “Twitter”да кузатиб боринг