"Штутгарт" клуби янги мавсум олдидан дарвозабонлар чизиғида жиддий ўзгаришларни амалга оширмоқда. Жамоанинг асосий посбони Александр Нюбел уч йиллик ижара муддатидан сўнг "Бавария" ихтиёрига қайтиши кутилмоқда. Бу ҳақда Goal.com хабар беради.
Клуб раҳбарияти унинг ўрнига янги футболчи сотиб олмасликка ва ички имкониятлардан фойдаланишга қарор қилди.
Асосий дарвозабон вазифасини эндиликда Деннис Займен бажаради. У "Падерборн 07" клубидаги муваффақиятли ижарадан сўнг жамоага қайтмоқда.
Займен Германиянинг энг иқтидорли ёш дарвозабонларидан бири ҳисобланади ва иккинчи Бундеслигадаги ўйинлари орқали ўзини кўрсата олди.
Шунингдек, клуб 18 ёшли Флориан Хеллстерн билан шартномани 2030 йилгача узайтирди. Ҳозирда у учинчи лигада захира жамоаси шарафини ҳимоя қилмоқда.
Хеллстерн ўз интервьюсида бундай ёшда профессионал даражада ўйнаш катта тажриба эканини ва ўз устида ишлашда давом этишини таъкидлади.
Нюбелнинг келажаги эса ҳамон сўроқ остида қолмоқда. У Мюнхен клубида захира ўриндиғида ўтиришни истамаяпти, бироқ "Бавария" Мануел Ножер билан шартномани узайтириб, кейинчалик ўринни Йонас Урбигга топширмоқчи.
Нюбелнинг трансфер нархи 20-25 млн евро атрофида баҳоланмоқда.
“Zamin”ни Telegram'да ўқинг!
