Бавария таркибни янгилаш учун уч футболчи билан хайрлашиши мумкин
Мюнхеннинг Бавария клуби Нюкасл Юнайтед ҳужумчиси Энтони Гордонни ўз сафига қўшиб олишни мақсад қилган бўлиб, бунинг учун 85 миллион евродан ортиқ маблағ топиши талаб этилади. Керакли маблағни шакллантириш ва клуб ғазнасини тўлдириш мақсадида Бавария ижарада ўйнаётган Жоау Палиня, Сача Боей ва Браян Сарагоса каби футболчиларни доимий равишда сотиб юбориши мумкин.
Бавария Нюкасл Юнайтед ҳужумчиси Энтони Гордонни ўз сафига қўшиб олишни мақсад қилган, бироқ бу трансфер амалга ошиши учун немис клуби олдида бир қатор жиддий тўсиқлар турибди. Спорт Билд хабарига кўра, Мюнхен клуби ушбу трансфер учун зарур бўлган 85 миллион евродан ортиқ маблағни топиши керак. Бу ҳақда Goal.com хабар беради.
Маблағни шакллантириш учун Бавария ижарада ўйнаётган футболчиларни доимий равишда сотиб юбориши талаб этилади. Хусусан, Жоау Палиня (Тоттенхем), Сача Боэй (Галатасарой) ва Браян Сарагоса (Рома) каби ўйинчиларнинг трансфери клуб ғазнасини тўлдиришга хизмат қилиши мумкин.
Спорт директори Макс Эберл ушбу трансферни амалга ошириш учун клуб бошқарув кенгашидан розилик олиши керак. Ули Хёнес ва Карл-Хайнс Румменигге бошчилигидаги кузатув кенгашининг эҳтиёткорона ёндашуви музокараларни қийинлаштириши мумкин.
Энтони Гордоннинг ўзи ҳам Бундеслигага ўтишга қизиқиш билдирмоқда ва Бавария вакиллари билан дастлабки суҳбатларни ўтказиб улгурган. Гарчи томонлар ҳали расмий музокараларни бошламаган бўлса-да, 25 ёшли футболчи келаси ёзда янги чақириқни қабул қилишга тайёр.
Изоҳлар 0
…