Букайо Сака ва Мйлес Левис-Скеллй 22 йиллик танаффусдан сўнг Англия Премер-лигаси чемпионлигини қўлга киритган Арсенал жамоасининг танқидчиларига кескин жавоб йўллашди. Микел Артета шогирдлари сўнгги йилларда ҳал қилувчи паллада имкониятни бой бергани учун "боттлерс" (муваффақиятни қўлдан чиқарувчилар) деган тамға остида қолаётган эди. Бу ҳақда Goal.com хабар беради.
Арсенал клубининг узоқ кутилган ғалабаси Манчестер Сити жамоасининг Борнмутга қарши ўйинда очко йўқотишидан сўнг расмийлашди. Бу воқеа Шимолий Лондон ва клуб машғулот базасида катта байрамга айланиб кетди. Сака ва Левис-Скеллй учун бу ғалаба мавсум охирида босимга доц. беролмайди деганларга жавоб бериш учун айни муддао бўлди.
Букайо Сака ўзининг Instagram саҳифасида эълон қилган видеода Левис-Скеллй қўлида шампан виносини тутиб: "Бизни муваффақиятни қўлдан чиқарувчилар дейишганди, энди эса биз ғалаба қадаҳини тутиб турибмиз!" дея ҳазиломуз тарзда мурожаат қилди. Бу орқали ёш ярим ҳимоячи жамоага нисбатан қилинган масхараларга нуқта қўйди.
Сака Журриен Тимбернинг ижтимоий тармоқдаги канали орқали ҳам ўз фикрларини билдирди. Кетма-кет уч мавсум иккинчи ўринни эгаллаганидан сўнг, Англия терма жамоаси аъзоси энди кулиш навбати уларга келганини таъкидлади. "22 йил давомида улар устимиздан кулишди, энди эса ҳеч ким кулаётгани йўқ. Мана, кубок бизда ярқираб турибди", деди ҳужумчи.
Лондон Колни машғулот майдонидаги қувончли лаҳзалар 2003-04 йилги "мағлубиятсиз мавсум"дан кейинги энг катта тарихий воқеага айланди. Футболчилар ичкарида байрам қилаётган бир пайтда, афсонавий Иан Вригҳт Эмиратес Стадиум ташқарисида минглаб мухлислар билан бирга ғалаба қўшиқларини куйлади.
“Zamin”ни Telegram'да ўқинг!
