Хитойнинг "Lenovo" корпорацияси дунёдаги энг машҳур BIOS дастурий таъминоти ишлаб чиқувчиларидан бири бўлган "Пҳоених Течнологиес" компаниясини сотиб олганини эълон қилди. Келишув доирасида Дублин шаҳрида рўйхатдан ўтган бўлинма ва унга тегишли барча интеллектуал мулк ҳуқуқлари харидор ихтиёрига ўтди. Бу ҳақда Ixbt.com хабар беради.
Ушбу харид "Lenovo" учун шахсий компьютерлар ишининг энг муҳим босқичи — тизимни ишга тушириш, ускуналар хавфсизлиги ва платформа созламалари учун жавобгар бўлган прошивка устидан тўлиқ назорат ўрнатиш имконини беради. Компания вакилларининг таъкидлашича, янги технологиялар аппарат ва дастурий қисмларни янада чуқурроқ боғлашга хизмат қилади.
"Пҳоених Течнологиес" ва "Lenovo" ўртасидаги ҳамкорлик 20 йилдан ортиқ вақтдан буён давом этиб келмоқда. Шу пайтгача ишлаб чиқувчи "ThinkPad" ноутбуклари учун BIOS етказиб берган бўлса, эндиликда бу шериклик тўлиқ бирлашувга айланди.
Келажакда ушбу технологиялардан сунъий интеллектга асосланган қурилмаларда ҳам фойдаланиш режалаштирилган.
1979 йилда асос солинган "Пҳоених Течнологиес" портфелида серверлар, ноутбуклар ва ўрнатилган тизимлар учун мўлжалланган "Пҳоених SecureCore", "OmniCore" ҳамда "FirmCare" каби кўплаб дастурий ечимлар мавжуд. Эндиликда ушбу маҳсулотларнинг барчаси "Lenovo" бренди остида ривожлантирилади.
“Zamin”ни Telegram'да ўқинг!
