Samsung Galaxy А27 дизайни расмий тақдимотдан аввал ошкор бўлди
Ғилоф ишлаб чиқарувчи компания тармоққа сиздириб юборган суратлар Samsung Galaxy A27 смартфонининг дизайнини расмий тақдимотдан аввал ошкор қилди. Янги қурилма орқа қисмида овал шаклидаги камера блоки билан ажралиб туради ҳамда Galaxy A57 ва Galaxy A37 моделларига ўхшаш дизайнга эга. Шунингдек, ушбу ҳамёнбоп модел эски В-симон тирқишдан воз кечиб, олд камера учун замонавий тирқиш тизимига ўтиши кутилмоқда.
Ғилоф ишлаб чиқарувчи компаниялардан бири Samsung Galaxy А27 смартфонининг дизайнини тасдиқловчи суратларни тармоққа сиздириб юборди. Ушбу тасвирлар аввалроқ тарқалган рендерлар билан тўлиқ мос келади. Samsung компанияси шу ой бошида Galaxy А27 моделининг яқин орада тақдим этилишини расман тасдиқлаган эди. Бу ҳақда Ixbt.com хабар беради.
Янги смартфон дизайни жиҳатидан яқинда намойиш этилган Galaxy А57 ва Galaxy А37 моделлари билан ўхшашликка эга. Хусусан, қурилма орқа қисмида овал шаклидаги камера блоки жойлашган. Samsung ниҳоят ўзининг ушбу ҳамёнбоп моделида эски В-симон тирқишдан воз кечиб, олд камера учун замонавий тирқиш (отверстие) тизимига ўтиши кутилмоқда.
Ҳозирча қурилманинг расмий тақдимот санаси маълум эмас. Бироқ, апрель ойидаги Geekbench тест натижаларига кўра, смартфон Snapdragon 6 Ген 3 процессори ва 6 GB тезкор хотира билан жиҳозланади. Шунингдек, қурилма сотувга чиқарилган вақтда Android 16 операцион тизимида ишлаши ҳамда такомиллаштирилган олд камерага эга бўлиши тахмин қилинмоқда.
Изоҳлар 0
…