Xiaomi компанияси қуввати 2,2 кВ дан юқори бўлган янги Mijia Air Кондитионер Стронг Винд Pro пол кондиционерини тақдим этди. Мазкур қурилма катта майдонли хоналарни тезкор совутиш ва иситиш учун мўлжалланган бўлиб, юқори унумдорлиги билан ажралиб туради. Бу ҳақда Ixbt.com хабар беради.
Янги кондиционер соатига 1820 м3 ҳаво оқимини ҳосил қилади, унинг ҳаво тарқатиш тизими эса 115 даражали қамровни таъминлаб, хонада "кўринмас ҳудудлар" қолмаслигини кафолатлайди. Қурилма асосини кучли икки цилиндрли компрессор ташкил этади: у хонани совутишни 15 сонияда, иситишни эса 30 сонияда бошлашга қодир. Интенсив режимда ҳароратни бор-йўғи 10 дақиқа ичида 8°К га тушириш мумкин.
Энергия самарадорлиги бўйича юқори АПФ 5.31 классига мансуб бўлган ушбу модел мис иссиқлик алмашинувчилари (конденсатор ва буғлатгич) билан жиҳозланган. Бу нафақат самарадорликни оширади, балки қурилманинг чидамлилигини ҳам таъминлайди. Ишлаб чиқарувчи маҳсулот учун 10 йилгача кафолат бермоқда.
Mijia Air Кондитионер Стронг Винд Pro Xiaomi экотизимига тўлиқ интеграция қилинган: у масофадан бошқариш, дастурий таъминотни сиmsиз янгилаш (ОТА) ва бошқа ақлли қурилмалар билан ўзаро алоқа қилиш функцияларини қўллаб-қувватлайди. Ҳозирда янгилик Хитой бозорида 950 доллар атрофида сотувга чиқди.
“Zamin”ни Telegram'да ўқинг!
