Microsoft компанияси ўз маҳсулотларидаги бир қатор тузатилмаган заифликларни ва улардан фойдаланиш кодларини эълон қилган хавфсизлик тадқиқотчисига нисбатан ҳуқуқий чоралар кўриш ва ҳуқуқ-тартибот идораларига мурожаат қилиш билан таҳдид қилмоқда. Бу ҳолат йирик технологик гигантлар ва мустақил тадқиқотчилар ўртасидаги масъулият масаласини яна кун тартибига чиқарди. Microsoft ўз блогида "Нигҳтмаре Эклипсе" тахаллуси остидаги тадқиқотчини БлуеҲаммер, РедСунУнДефенд ва ЕлловКей каби хавфли хатоларни очиқчасига эълон қилгани учун кескин танқид қилди. Бу ҳақда Techcrunch.com хабар беради.
Компаниянинг таъкидлашича, тадқиқотчи хатолар ҳақида аввалроқ хабар бермаган, бу эса хакерларга Windows Дефендер ва БитЛоккер каби тизимларга ҳужум қилиш имконини берган. Microsoft Дигитал Кримес Унит бўлинмаси бундай ҳаракатларни жиноий фаолиятга кўмаклашиш деб баҳолаб, дунё бўйлаб ҳуқуқ-тартибот идоралари билан ҳамкорлик қилишини билдирди. Бироқ, Нигҳтмаре Эклипсе ўз навбатида Microsoft билан боғланишга ҳаракат қилгани, лекин компания унинг Microsoft Секуритй Респонсе Сентер аккаунтини блоклаб қўйганини даъво қилмоқда.
Ушбу низо натижасида тадқиқотчининг GitHub ва GitLab платформаларидаги аккаунтлари ҳам тақиқлаб қўйилди. Мазкур воқеа киберхавфсизлик ҳамжамиятида катта норозилик уйғотди. Кўплаб мутахассислар, жумладан, буг боунтй дастурлари асосчиларидан бири Катие Моуссоурис ҳам Microsoft'нинг ушбу ёндашувини танқид қилиб, компанияни тадқиқотчилар билан ишлашда хатога йўл қўяётганликда айбламоқда.
“Zamin”ни Telegram'да ўқинг!
