Ramzan Qodirovning to‘ng‘ich qizi Checheniston bosh vaziri o‘rinbosari etib tayinlandi

1 daqiqa o'qish257
Ramzan Qodirovning to‘ng‘ich qizi Checheniston bosh vaziri o‘rinbosari etib tayinlandi

Foto: VKontakte/Ramzan Kadirov

Rossiya tarkibiga kiruvchi Checheniston rahbari Ramzan Qodirov o‘zining 25 yoshli qizi Ayshatni respublika bosh vaziri o‘rinbosari lavozimiga tayinlanganini e’lon qildi. Hukumatda u ijtimoiy blok uchun mas’ul bo‘ladi.

«Checheniston Respublikasi hukumati bilan kengaytirilgan yig‘ilish bo‘lib o‘tdi. Yig‘ilishda Bosh vazir Muslim Xuchiyev Ayshat Qodirovani Checheniston hukumati raisining ijtimoiy blok bo‘yicha o‘rinbosari lavozimiga tayinlash taklifini kiritdi», deb yozdi Qodirov ijtimoiy tarmoqda.

Unga ko‘ra, Checheniston Respublikasi bosh vazirining sobiq o‘rinbosari Musa Dadayev Madaniyat vazirligini boshqaradi. Uning o‘rnini esa qizi egallaydi.

Ayshat Qodirova ilgari Checheniston madaniyat vaziri lavozimida ishlagan. Shu yil sentyabr oyida Vladimir Putin uni II darajali «Vatan oldidagi xizmatlari uchun» ordeni bilan taqdirlagan edi.

Qodirovning do‘stlari va qarindoshlari Chechenistonda ko‘plab lavozimlarga tayinlangan.

Aprel oyida Checheniston rahbarining jiyani 26 yoshli Hamzat Qodirov xavfsizlik bloki bo‘yicha maslahatchi etib tayinlangan edi. Qodirovning yana bir jiyani Ibragim Zakriyev respublika bosh vaziri o‘rinbosari, qishloq xo‘jaligi vaziri lavozimlarida ishlaydi. Bundan tashqari, joriy yil iyul oyida Zakriyev Danone Russia kompaniyasining yangi bosh direktori bo‘ldi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?