Professor: Rossiya Ukraina bilan muzokaralargacha yana ham ko‘proq hududlarni nazoratga oladi

Chikago universiteti professori Jon Mirshaymer “Global Times” gazetasiga bergan intervyusida Rossiya Ukraina bilan muzokaralargacha yana ham ko‘proq hududlarni nazoratga olishini aytdi.

"O‘ylaymanki, haqiqiy jangovar harakatlar 2025 yilgacha davom etmaydi. Ruslar hozir nazorat qilayotganidan ham ko‘proq hududni o‘z nazoratiga oladi va sulh tuziladi", – deb taxmin qildi mutaxassis.

Olim shuningdek, agar mojaro tinch yo‘l bilan hal etilsa ham, G‘arb Rossiyani provokatsiya qilishdan, yangi mintaqalarda vaziyatni beqarorlashtirishga urinishdan to‘xtamasligidan ogohlantirdi.

Kreml bir necha bor ta’kidlaganidek, hozirda Ukrainadagi vaziyat tinch yo‘nalishga o‘tishi uchun hech qanday shart-sharoit yo‘q, Rossiya uchun mutlaq ustuvorlik – bu maxsus operatsiya maqsadlariga erishish, hozirda bu faqat harbiy yo‘l bilan mumkin. Shu bilan birga, Moskva muzokaralarga tayyor ekanini bildirgan, biroq Kiyev qonunchilik darajasida ularga taqiq joriy qilgan. “Zamin” yangiliklarini “Telegram”da kuzatib boring