Gʻarbiy Evropa aholisida Ukrainani gʻalabaga qadar qoʻllab-quvvatlash xohishi pasaydi

^{Foto: Globsec}
Rossiyaga qarshi urushda Ukraina gʻalabaga qozongunga qadar qoʻllab-quvvatlash istagi Evropa mamlakatlarida keskin pasayib ketdi, deb yozadi The Guardian.

Dekabr oyida Frantsiya, Germaniya, Italiya, Ispaniya, Shvetsiya, Daniya, Buyuk Britaniya va boshqa mamlakatlarda YouGov soʻrovi oʻtkazilgan. Unga koʻra, “kelishuv” Ukrainaning ayrim hududlarini Moskva nazoratida qoldirishni nazarda tutsa-da, yuqoridagi mamlakatlardan toʻrttasi urushni muzokaralar yoʻli bilan tugatishni ma'qullagan.

Shvetsiyada Ukrainani “gʻalabaga qadar” qoʻllab-quvvatlashga tayyor boʻlganlar ulushi 2023 yil boshida 60 foizdan yuqori boʻlgan darajadan 50 foizga tushgan. Daniyada ularning ulushi 40 foizni tashkil etmoqda, ushbu koʻrsatkich ikki yil oldin 50 foizdan koʻp boʻlgan. Britaniyada esa Ukrainani qoʻllab-quvvatlovchilar 50 foizdan 36 foizga, Germaniyada 28 foizga, Ispaniyada 25 foizga, Frantsiyada 23 foizga, Italiyada atigi 15 foizga tushgan.

Shu bilan birga, oxirgi toʻrtta davlatda koʻpchilik Ukraina hududlarini Rossiyaga topshirib, urushni yakunlash uchun ovoz bergan: Germaniyada — 45 foiz, Ispaniyada — 46 foiz, Frantsiyada — 43 foiz, Italiyada — 55 foiz.

Etti mamlakatning barchasida ozchilik Kievga yordamni koʻpaytirish gʻoyasini qoʻllab-quvvatlagan. Mazkur moliyaviy yordam hajmi joriy yilning oktyabr oyi oxiriga kelib 200 milliard dollarga etgan edi.

Yordamni oshirish tarafdorlari Italiyada respondentlarning atigi 11 foiz, Frantsiyada — 14 foiz, Ispaniya va Daniyada —17 foiz, Germaniya va Buyuk Britaniyada — 21 foiz, Shvetsiyada — 29 foizini tashkil etgan. “Zamin” yangiliklarini “Telegram”da kuzatib boring