Ilon Mask Britaniya bosh vazirini lavozimidan qanday chetlatishni oʻrganmoqda

Tesla, SpaceX va X kompaniyalari egasi Ilon Mask ittifoqchilari bilan Buyuk Britaniya bosh vaziri Kir Starmerni 2029 yilda oʻtkaziladigan saylovlarga qadar lavozimidan chetlashtirishni muhokama qilmoqda. Bu haqda Financial Times gazetasi oʻz manbalariga tayanib xabar berdi.

Ma'lumotlarga koʻra, Mask X ijtimoiy tarmogʻidagi «tajovuzkorona postlaridan tashqari», ittifoqchilari bilan Buyuk Britaniyadagi leyboristlar hukumatini beqarorlashtirish masalasini muhokama qilmoqda. «Uning hisoblashicha, Gʻarb tsivilizatsiyasi xavf ostida», — deydi nashr suhbatdoshlaridan biri.

^{Foto: Financial Times}
Mask Starmerni lavozimidan chetlashtirish uchun Buyuk Britaniyadagi muqobil siyosiy harakatlar, xususan, Nayjel Farajning oʻng qanot populistik partiyasi yordam bera olishi mumkinligini oʻrgangan. Nashrning qayd etishicha, Mask, shuningdek, partiya etakchiligi uchun Faraj oʻrniga boshqa nomzod qidirmoqda.

Avvalroq Fransiya prezidenti Emmanuel Makron Ilon Maskni Evropa siyosatiga aralashishda ayblagan edi. «10 yil oldin dunyodagi eng yirik ijtimoiy tarmoqlardan birining egasi saylovlarga, shu jumladan, Germaniyadagi saylovlarga bevosita aralashishini kim ham tasavvur qilgandi», — degan Fransiya prezidenti. Oʻz navbatida Fransiya tashqi ishlar vaziri Jan-Noel Barro Evropa komissiyasini amerikalik tadbirkor Ilon Maskka nisbatan qattiqroq chora koʻrishga chaqirdi.

Shuningdek, Norvegiya bosh vaziri Yonas Gar Styore ham Maskning siyosatga aralashuvidan xavotirda ekanini bildirgan. “Zamin” yangiliklarini “Telegram”da kuzatib boring