Rossiya Kiyevga keng qamrovli raketa va dron hujumlari uyushtirdi (video)

2 daqiqa o'qish688
Rossiya Kiyevga keng qamrovli raketa va dron hujumlari uyushtirdi (video)
Foto: Genya Savilov / AFP / Scanpix / LETA
24 aprelga o‘tar kechasi Rossiya harbiy kuchlari Ukraina poytaxti Kiyevga ballistik raketalar va dronlar orqali keng qamrovli zarbalar berdi. Eng katta zarar Svyatoshinskiy tumanida kuzatilgan bo‘lib, bu yerda ko‘p qavatli uy raketa zarbasiga uchradi. Kiyev shahri meri Vitaliy Klichko ma’lum qilishicha, dron parchalari poytaxtning Goloseyev, Podolsk va Shevchenko tumanlariga ham tushgan.

Dastlabki ma’lumotlarga ko‘ra, sakkiz nafar kishi halok bo‘lgan. Avvaliga qurbonlar soni 10 nafar deb xabar qilingan edi, ammo keyinchalik rasmiylar bu raqamga aniqlik kiritdi. Yana 77 kishi tibbiy yordamga murojaat qilgan bo‘lib, ularning 31 nafari kasalxonaga joylashtirilgan. Jabrlanganlar orasida besh nafar bola ham bor. Hozirgi vaqtda voqea joyida qutqaruv va qidiruv ishlari davom etmoqda. Qutqaruvchilar Svyatoshinskiy tumanida vayron bo‘lgan bino qoldiqlarini olib tashlamoqda.

Hujum natijasida Kiyevda umumiy hisobda 12 ta binoga zarar yetgan. Kiyevlik Lyudmila ismli ayolning «Suspilne» nashriga ma’lum qilishicha, halok bo‘lganlar orasida uning 84 yoshli onasi ham bor. «U keksa, ammo baquvvat edi. Hali yashashni rejalashtirayotgan edi», — deydi Lyudmila.
Rossiya Kiyevga keng qamrovli raketa va dron hujumlari uyushtirdi (video)
Politsiyachilar Rossiya zarbasidan shikastlangan uy aholisini evakuatsiya qilmoqda
Evgeniy Maloletka / AP / Scanpix / LETA

Ukraina prezidenti Vladimir Zelenskiy Janubiy Afrika Respublikasiga safari doirasidagi bir qator uchrashuvlarni bekor qilib, darhol Ukrainaga qaytishini ma’lum qildi. «Ukraina AQSHning taklifiga muvofiq 44 kun avval o‘t ochish va hujumlarni to‘xtatishga rozi bo‘lgandi. Lekin Rossiya ushbu vaqt mobaynida tinch aholini o‘ldirishni davom ettirmoqda va hech qanday jazoga tortilmayapti», — deb yozdi Zelenskiy.
Rossiya Kiyevga keng qamrovli raketa va dron hujumlari uyushtirdi (video)
Rossiya zarbasi oqibatida yaralangan kiyevlik kishi, 2025 yil 24 aprel
Evgeniy Maloletka / AP / Scanpix / LETA

Ukraina qurolli kuchlari harbiy-havo qo‘shinlari ma’lumotiga ko‘ra, kechasi mamlakat osmonida Rossiya tomonidan uchirilgan kamida 70 ta raketa yo‘q qilingan. Hujumlarda jami 37 ta X-101, 11 ta «Iskander-M»/KN-23 ballistik raketa, 12 ta «Kalibr», 6 ta «Iskander-K», 4 ta X-59/X-69 aviatsiya raketalari va 145 ta zarbdor dron qo‘llangan.

«Agentstvo» nashrining ta’kidlashicha, bu Kiyev uchun 2024 yil iyuldan buyon eng yirik qurbonli hujum bo‘lgan. Eslatib o‘tamiz, o‘tgan yili 8 iyul kuni Rossiyaning raketa zarbasi «Oxmatdet» bolalar shifoxonasiga urilgan va o‘shanda 33 kishi halok bo‘lgan edi, shifoxonada yana bir bola hayotdan ko‘z yumgandi.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?