13 yillik muhabbat maktubi okeandan Irlandiyaga yetib bordi

2 daqiqa o'qish425
13 yillik muhabbat maktubi okeandan Irlandiyaga yetib bordi
Kimdir uchun bu yerda romantika faqat kino va kitob sahifalarida yashaydi, ammo Kanadalik juftlik – Anita va Bred – uchun bu hayotiy, samimiy va e’tiborli voqeaga aylandi. Ular 2012 yilning sentyabrida Nyufaundlenddagi Bell oroliga qilgan romantik sayohatida g‘oyat nodir bir narsa – “muhabbat maktubi”ni shishaga solib, uni okean suviga tashlashgan edi.

Qog‘ozda shunday satrlar bor edi: “Anita va Bredning Bell orolidagi sayohati. Bugun kechqurun shinam ovqat, bir shisha vino va bir-birimizni bahramand qildik.” Ularning maktubi so‘ngida “Iltimos, topsangiz, bizga qo‘ng‘iroq qiling,” deb yozilgan va raqam qo‘shilgan edi.

Shundan beri 13 yil vaqt o‘tdi. Bu shisha Atlantika okeani orqali taxminan 3,200 kilometr masofani bosib o‘tib, Irlandiyaning g‘arbiy sohilida joylashgan Kerri grafligidagi Skraggane Beyda topildi. Unga to‘liq tasodifan duch kelgan irland juftlik — Keyt va Jon Gey — sohildagi tozalash tadbiri chog‘ida uni ko‘rib qolishdi.

Keyt va Jon shishani ochib, ichidagi romantik yozuvni o‘qishdi. Unga tost qilib, o‘sha vaqtdagi juftlik hali ham birga ekanmi, deb qiziqishdi. Ular maktubdagi telefon raqamiga qo‘ng‘iroq qilishdi, ammo javob olishmadi.

Shunda ular butun voqeani “Maharees Heritage and Conservation” nomli ekologik tashkilot sahifasida e’lon qilishdi. Ushbu tashkilot o‘sha sohil tozalash tadbirini tashkil etgan edi. Post ijtimoiy tarmoqlarda virusdek tarqaldi. Bir necha soat ichida Kanadadagi do‘stlar maktub egalarini — Anita va Bred Skvayrs — ni topib, ularga xabar berishdi.

Hozirda Anita va Bred 2016 yilda rasman turmush qurgan, uch nafar farzandli oila va Nyufaundlendda hayot kechirishmoqda. Anita — sog‘liqni saqlash sohasida mehnat qiladigan hamshira, Bred esa yaqinda Kanada Qirollik Militsiyasi (Royal Canadian Mounted Police) safidan nafaqaga chiqqan.

“Oxirgi 48 soat juda hayratomuz bo‘ldi,” — deydi Bred Guardian nashriga. “Dushanba kechquruni kichik o‘g‘limizni uxlatar edim, telefonim tinimsiz jingillay boshladi. Bu g‘ayrioddiy edi. Shundan keyin Anita boshqa xonada kulib yubordi. Uning ham telefoni tinmay chalinayotgan edi. Honadan chiqsam, u: 'Sen ishonmaysan bu voqeaga!' — dedi.”

Irlandiyaning RTÉ radiosi bilan suhbatda Bred shunday dedi: “O‘sha vaqtda biz faqat muhabbatli yoshlar edik. Hozir esa biz muhabbatni saqlab qolgan kattalarmiz. Bu voqea butun dunyodagi insonlarning qalbiga tegdi. Yangi do‘stlar topyapmiz va nasib qilsa, tez orada Irlandiyaga safar qilib, shisha topilgan sohilni ko‘ramiz.”

Maharees Conservation Association rahbari Marta Farrelning ta’kidlashicha, bu voqea Kanadadagi boshqa juftliklarni ham o‘z tarixlari bilan bo‘lishishga ilhomlantirgan. Atlantika orqali yuborilgan “shisha maktub”lar haqida yanada ko‘proq voqealar paydo bo‘lmoqda.

Bu sodda, lekin ta’sirli voqea bizga xotiralarni asrash va ularni dunyo bilan bo‘lishish insonlarni qanday bog‘lashini ko‘rsatadi. Bir shisha, bir necha satr va chuqur ehtiros – buning natijasida yuraklar birlashdi, kontinentlar bog‘landi.

Muhabbat vaqtni, masofani, hatto okean to‘lqinlarini ham yengishi mumkin. Anita va Bredning qissasi — zamonaviy dunyoda ham romantika va samimiyatga joy borligini tasdiqlovchi guvohdir.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?