Yaponiya o‘zbek ishchilarini ko‘proq jalb qilmoqchi

Yaponiya hukumati O‘zbekiston, Hindiston, Shri-Lanka va boshqa Janubiy hamda Markaziy Osiyo davlatlaridan ko‘proq mehnat migrantlarini jalb qilishni rejalashtirmoqda, deb xabar berdi Kursiv.media.

Buning sababi — Janubi-Sharqiy Osiyo mamlakatlaridan, xususan Vetnam va Xitoydan kelayotgan ishchilar soni kamayib bormoqda.

Shu munosabat bilan, yapon kompaniyasi Onodera User Run O‘zbekiston Mehnat migratsiyasi agentligi bilan hamkorlik bitimini imzoladi. Kompaniya o‘zbekistonlik yoshlarga yapon tilini o‘rgatadi va imtihondan muvaffaqiyatli o‘tganlarga Yaponiyada ish topishda yordam beradi. Har yili taxminan 200 nafar kishi restoran va qariyalar parvarishi sohalarida ishlash uchun tayyorlanadi.

Shuningdek, O‘zbekistonda Yaponiyada ishlashni istaganlar uchun uchta yapon tili o‘rganish markazi ochildi. Ular yaponiyalik talabalar va xorijlik ishchilarga yordam beruvchi kompaniya tomonidan tashkil etilgan. Hozirda Yaponiyada atigi 346 nafar o‘zbekistonlik ishchi faoliyat yuritmoqda.

Xitoy va Vetnamdan ishchi kuchi kamaygani bois, Yaponiyada zarur mutaxassislarni topish tobora qiyinlashmoqda. Shu bilan birga, Janubiy Koreya va Tayvan ham xorijiy ishchilarni jalb qilishda kuchli raqobat olib bormoqda, chunki u yerda ham ish haqlari oshmoqda.

“Zamin”ni Telegramʻda oʻqing!