Zelenskiy Trampdan Moskvaga zarba beradigan Tomahawk raketalarini so‘radi

1 daqiqa o'qish298
Zelenskiy Trampdan Moskvaga zarba beradigan Tomahawk raketalarini so‘radi

Ukraina prezidenti Volodimir Zelenskiy Nyu-York shahrida bo‘lib o‘tgan yopiq muloqotda AQSH prezidenti Donald Trampdan Moskvadagi muhim nishonlarni urishi mumkin bo‘lgan Tomahawk qanotli raketalarini taqdim etishni so‘ragani haqida Britaniyaning The Telegraph nashri ma’lum qildi.

Gazeta yozganidek, Zelenskiy Oq uy rahbariga ushbu yuqori texnologiyali qurollar Rossiya prezidenti Vladimir Putinni tinchlik kelishuvi bo‘yicha muzokaralar stoliga majburiy ravishda o‘tqazishda qo‘shimcha vosita sifatida xizmat qilishi mumkinligini ta’kidlagan.

Bir necha manbalarning ma’lumot berishicha, Zelenskiyning bu iltimosi BMT Bosh Assambleyasi doirasida o‘tkazilgan ikki davlat rahbarlarining yopiq uchrashuvida tilga olingan va amerikaliklar tomonidan “ijobiy” deb baholangan.

Uchrashuvdan keyin Zelenskiy bergan intervyusida prezident Tramp uning iltimosini xayrixohlik bilan qabul qilganini aytdi:

«Men kecha prezident Trampga bizga kerak bo‘lgan narsani aytdim. Bu qurol bizga zarur, lekin bu biz uni darhol ishlatamiz degani emas. Agar bu qurol bizda bo‘lsa, menimcha, Putinni muzokaralar stoliga o‘tqazish uchun kuchli bosim bo‘ladi», — dedi Ukraina yetakchisi.

Tomahawk raketalari 1250 kilometrdan 2500 kilometrgacha masofani bosib o‘ta oladi va dushmanning chuqur hududlariga yuqori aniqlikda zarba berish imkoniyatini beradi. Ushbu qurol NATO arsenalida strategik ahamiyatga ega hisoblanadi.

Shu paytgacha AQSH Ukrainaga bunday turdagi raketalarni berishdan doim bosh tortgan edi. Zelenskiyning bu urinishlari muvaffaqiyatli bo‘ladimi yoki yo‘qmi, hozircha aniq emas, deyiladi maqolada.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?