Donald Tramp ma’muriyati Moskva bilan munosabatlarni qayta formatlashni ko‘rib chiqmoqda. Bu haqida Politico nashri xabar berdi. Nashrning yozishicha, Oq uy Rossiyani Ukrainadagi urushni tugatishga va uni G‘arb bilan iqtisodiy hamkorlikka qaytarishga undash global kuchlar muvozanatini o‘zgartirishi va Pekinning ta’sirini susaytirishi mumkin, deb hisoblaydi.
Xususan, Moskvani Vashingtonga "yaqinlashtirishi" mumkin bo‘lgan iqtisodiy rag‘batlantirish va investitsiyalar g‘oyasi muhokama qilinmoqda.
Biroq, Ukraina bunday strategiyaga shubha bilan qaraydi. Manbalar shuni ta’kidlashicha, ilgari ham shunga o‘xshash urinishlar qilingan va muvaffaqiyatsiz bo‘lgan, Rossiya va Xitoy o‘rtasidagi ittifoq esa barqaror bo‘lib qolmoqda.
Mutaxassislar ham bu yondashuvning muvaffaqiyatiga shubha qilishadi: ularning fikricha, eng ko‘p kutilgan narsa - bu Moskva va Pekin o‘rtasidagi uzilish emas, balki cheklangan hamkorlik.
“Zamin”ni Telegramʻda oʻqing!
