13:21 / 08.02.2019
7 249

«Nur gumbazi»: AQSh HHK faxriysi SSSRning maxfiy quroli haqida

«Nur gumbazi»: AQSh HHK faxriysi SSSRning maxfiy quroli haqida
AQSh harbiy-havo kuchlari (HHK) faxriysi Robert Xopkinsning ma’lum qilishicha, 1988 yilda u o‘z sherigi bilan «Pioner» RSD-10 o‘rta masofadagi raketani uchirish vaqtida «nur gumbazini» ko‘rgan. Bu haqda u The Drive’ga intervyuda aytib o‘tdi.

Uning so‘zlariga ko‘ra, ular RC-135S Cobra Ball josuslik samolyotidagi parvoz paytida «yorug‘lik gumbazi»ni ko‘rishgan. Xopkinsning aytishicha, o‘z sherigi bilan «yarim shaffof sut-oq rangli devor»ni ko‘rishgan, u juda tezlik bilan harakatlangan va yerdan ular ko‘rishi mumkin bo‘lgan darajagacha barcha bo‘shliqni qamrab olgan.

«Nur devori bizning parvozimiz trayektoriyasini kesib o‘tdi, shundan keyin sharqqa qarab harakatlanishni davom ettirib, o‘z ortidan bo‘sh va qorong‘i tungi osmonni qoldirdi», - deydi Xopkins.

HHK faxriysining ta’kidlashicha, ushbu hodisa Amerika razvedkasida katta qiziqish uyg‘otgan, u buni SSSRning yangi maxfiy quroliga aloqador, deb hisoblagan.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » «Nur gumbazi»: AQSh HHK faxriysi SSSRning maxfiy quroli haqida