Foto: Wikipedia
Namibiya hukumati mamlakatdagi qurg‘oqchilik va qo‘riqxonalarda fillar haddan ziyod ko‘pligi sababli 170ta filni sotuvga qo‘yishga qaror qildi. Bu haqda Namibiyaning atrof-muhitni muhofaza qilish, o‘rmon xo‘jaligi va turizm vazirligi tomonidan e’lon qilingan reklamaga tayanib Reuters axborot agentligi xabar berdi.
Fillar mamlakat ichida va tashqarisida auksion orqali sotiladi. Auksionning har bir ishtirokchisi fillarni saqlash sharoitlari va ularni boqish uchun yetarlicha mablag‘ga egaligi haqida kafolat hujjatlari taqdim qilishi kerak bo‘ladi. Xorijiy xaridorlardan filni belgilangan davlatga olib kirish uchun ruxsat beruvchi bojxona hujjatlari taqdim qilish ham talab etiladi.
Namibiya oxirgi yillarda mamlakatda fillarni himoyalash va brakonerlarga qarshi kurashish choralari qabul qilingani sababli ushbu jonzotlarning tez ko‘payishiga to‘qnash kelgan. Natijada Afrika mamlakatida fillar soni 1995 yildagi 7,5 mingdan 2019 yilda 24 minggacha yetgan. Buning oqibatida qo‘riqxonalarda bunday ko‘p sondagi fillarning normal yashashi uchun tabiiy zaxiralar taqchilligi yuzaga kelgan. Bundan tashqari, hukumat mamlakatda boshlanayotgan qurg‘oqchilik oqibatida ko‘llar va daryolar qurishi fillarning ommaviy nobud bo‘lishiga olib kelishidan xavotir bildirmoqda.
Namibiya Afrika janubida fillar uchun oziqa va suv yetishmasligi muammosiga to‘qnash kelgan yagona davlat emas. Misol uchun, Botsvana fillarni Angolaga ko‘chirish bo‘yicha dasturni amalga oshirmoqda. Ayni vaqtda Afrikada tabiiy muhitda yashovchi fillar soni 350 mingga yetadi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Donald Tramp sudga hurmatsizlik qilgani uchun jarimaga tortildi
Hokimlik xodimi firibgarlik ortidan qo‘lga tushdi
Andijonda kelin erining uyidan seplarini MIB orqali qaytarib oldi
Daniyada endi ayollar ham majburiy harbiy xizmatni o‘taydi
Internet-qaroqchilik. Buning uchun qanday javobgarlik bor?
Indoneziya U-23 murabbiyi Shin Tae Yong: "Oxirgi imkoniyatdan foydalanishga urinib ko‘ramiz"
Iordan daryosi G‘arbiy sohilida falastinlik talabalar nemis diplomatini tadbirdan quvib chiqardi