Ko‘chada, ishxonada yoki ijtimoiy tarmoqlarda ayrim odamlar doim omadli, baxtli va “yulduz”dek charaqlab ko‘rinadi. Ular go‘yoki har doim to‘g‘ri joyda, kerakli vaqtda bo‘ladilar. Bunday odamlarni ko‘rib, ko‘pchilik: “Nega men emas?” deb o‘z-o‘ziga savol beradi.
Aslida omadning zamirida ko‘pincha ko‘zga ko‘rinmas mehnat, tayyorgarlik va ichki tayanch turadi. Omadli ko‘ringan insonlar ko‘p hollarda imkoniyatni kutmaydi — ular imkon yaratadi. Ular o‘z ustida ishlaydi, atrofdagilar bilan iliq munosabatda bo‘ladi va eng muhimi — harakatdan to‘xtamaydi.
Psixologlar fikricha, “omad” bu nafaqat tashqi omil, balki ichki ruhiy holat. O‘ziga ishongan, tavakkal qilishdan cho‘chimaydigan, har bir imkoniyatni sinchkovlik bilan kuzatib boradigan odamlar — omadga yaqin turadi. Ularga omad emas, ular omadga yaqinlashadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
