Foto: Yandeks Dzen
Miya faoliyati, mushaklar, asab tizimi uchun muhim hisoblangan kaliyning yetishmasligi salomatlikda turli muammolar kelib chiqishiga sabab bo‘lishi mumkin.
Surunkali charchoq va holsizlik
Kun davomida surunkali charchoq va lohaslikning kuzatilishi kaliy tanqisligidan darak beradi. Gap shundaki, ushbu mineral mushaklar qisqarishi va miya faoliyati uchun muhim sanaladi. Uning yetishmasligi nafaqat miya, balki butun tananing sustlashishiga olib keladi.
Foto: Yandeks Dzen
Tomir tortishishi
Mushaklar spazmi, ya’ni nazorat qilib bo‘lmaydigan qisqarish aksariyat hollarda, organizmdagi murakkab kimyoviy almashinuvlarda ishtirok etadigan kaliy yetishmasligi sabab kuzatiladi.
Foto: Yandeks Dzen
Hazm jarayonida muammo
Kaliy yetishmasligi, shuningdek, hazm jarayonida ham muammolar paydo bo‘lishiga olib kelishi mumkin. Mushaklardan tashkil topgani sabab mazkur mineral yetishmaganda oshqozonda ham buzilish kuzatilishi, bu muammo ko‘ngil aynishi, ovqat hazm bo‘lmasligi bilan namoyon bo‘lishi mumkin.
Yurak urishining tezlashishi
Aksariyat hollarda yurak stress xavotir, qo‘rquv yoki xursandchilik sabab tez urishi mumkin. Ammo emotsional tinchlik vaqtida ham besabab shu holat kuzatilsa, bunga organizmdagi kaliy tanqisligi sabab bo‘lishi mumkin.
Mushaklarda og‘riq
Qon aylanish jarayonida muhim rol o‘ynagani sabab ham kaliyning yetishmasligi mushaklarga ta’sir ko‘rsatadi, oqibatda og‘riq kuzatilishi mumkin.
Qo‘l-oyoqlarning uvishib qolishi
Asab tizimi funksiyasi uchun muhim bo‘lgan kaliyning tanqisligi qo‘l va oyoqlarning uvishishiga sabab bo‘lishi mumkin. Kaliyning me’yordan kam ekani nervlar bilan bog‘liq signallarni susayishiga olib keladi.
Nafas olishning qiyinlashishi
Qon o‘pkalarga yetarli miqdorda kirmagani sabab ham kaliyning o‘tkir yetishmasligi nafas olishning qiyinlashishiga olib keladi. Kaliy miqdori kamayganda o‘pkalar odatdagi singari kengaya va qisqara olmaydi.
Kayfiyatning keskin o‘zgarishi
Miya faoliyatida muhim rol o‘ynagani sabab ham kaliy yetishmasligi emotsional holatda o‘z aksini topadi. Kayfiyatning to‘satdan, besabab o‘zgarishi sizga ushbu mineral yetishmayotganidan darak berishi mumkin. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
BAAda isroillik ravvin o‘ldirib ketildi
Ukraina Kursk oblastida egallab olgan hududlarining 40 foizdan ortig‘ini yo‘qotdi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
Rossiya yuzlab yamanliklarni Ukrainaga qarshi urushga yolladi
Xitoy Yaponiya va sakkizta davlat fuqarolariga vizasiz rejimni joriy etadi
Abdusalom Azizovning DXX raisligidan haydalgani tasdiqlandi
O‘zbekistonda kelasi hafta boshida qanday ob-havo bo‘lishi ma’lum qilindi
Yevropa superklubi O‘zbekiston terma jamoasi o‘yinchisi transferi bo‘yicha ish boshladi
