2026 yil yanvar–mart oylarida Oʻzbekistonda asosiy kapitalga yoʻnaltirilgan investitsiyalar hajmi 156,3 trillion soʻmni tashkil etdi.
Milliy statistika qoʻmitasi maʼlumotiga koʻra, bu koʻrsatkich oʻtgan yilning shu davriga nisbatan 29,6 foizga oʻsgan. Ushbu oʻsish mamlakatda iqtisodiy faollik va ijtimoiy sohalarni rivojlantirishga qaratilgan ishlar kuchayganini koʻrsatadi.
Investitsiyalar tarkibida eng katta ulush xorijiy sarmoyalar va kafolatlanmagan xorijiy kreditlarga toʻgʻri kelib, ular 107,6 trillion soʻmni tashkil etgan. Shu bilan birga, korxonalarning oʻz mablagʻlari 20,5 trillion soʻmni tashkil etgan.
Davlat kafolati ostida jalb qilingan xorijiy kreditlar 10,8 trillion soʻmga teng boʻlgani qayd etildi. Aholi mablagʻlari hissasi 8,7 trillion soʻmni, tijorat banklari kreditlari va boshqa qarz mablagʻlari esa 4,2 trillion soʻmni tashkil etgan.
Bundan tashqari, respublika budjeti hisobidan 3,9 trillion soʻm, Tiklanish va taraqqiyot jamgʻarmasi hisobidan esa 566,3 milliard soʻm investitsiya kiritilgan.
“Zamin”ni Telegramʻda oʻqing!
