O‘zbekistonda bir odamga o‘rtacha 18 kvadrat metr uy-joy to‘g‘ri keladi. Boshqa davlatlarda vaziyat qanday?

O‘zbekistonda uy-joy bilan ta’minlanish darajasi bir kishi boshiga 18,2 kvadrat metrgacha oshdi. Bu haqda Davlat statistika qo‘mitasi xabar berdi.

Ko‘rsatkich 2021 yilga nisbatan o‘rtacha 2,2 kvadrat metrga ko‘paygan, ammo bu hali ham dunyodagi eng past ko‘rsatkichlardan biri hisoblanadi.

Bir kishiga o‘rtacha 18,2 kvadrat metr uy-joy to‘g‘ri kelgan bo‘lsa, 2011 yilda bu ko‘rsatkich 15 kvadrat metrni tashkil qilgan.

Aholining uy-joy bilan ta’minlanishining eng yuqori ko‘rsatkichi Xorazm viloyatida (24,3 kv m), eng pasti esa Andijon viloyatida (13,3 kv m) qayd etildi.

Taqqoslash uchun, Rossiyada bir kishiga o‘rtacha 26,9 kv m, AQSHda 71 kv m, Germaniyada 40 kv m, Kanadada 75 kv m, Fransiyada 39 kv m, Yaponiyada 16 kv m va Turkiyada 18 kv m to‘g‘ri keladi. Aholi zich joylashgan Xitoyda ham bu ko‘rsatkich yuqori — 27 kv m. “Zamin” yangiliklarini “Youtube”da kuzatib boring