7 256
O‘zbekistondagi nufuzli OTMga kirmoqchi bo‘lgan talabadan 40 ming dollar talab qilishdi
O‘zbekistondagi nufuzli oliy ta’lim muassasalaridan biriga kirmoqchi bo‘lgan talabaning opasidan 40 ming dollar so‘raldi, deya xabar bermoqda “Adolat ko‘zgusi” gazetasi.
Ma’lum bo‘lishicha, ayol o‘zining abiturient ukasi o‘qishga kirishi oson bo‘lishi uchun “tanish-bilish”, “tanka” topishga harakat qilgan va, gazeta yozilishicha, “har yili abiturientlarni turli institutlarga kiritish bilan tirikchilik qiluvchi” shaxsni topgan.
“Institutlarning narxi har xil. Siz aytayotgangiz esa judayam qimmat. Kamida 40 ming dollar berishingiz kerak”, – degan vositachi shaxs. Xabarda ayol o‘z ukasini qaysi OTMga olib kirmoqchi bo‘lgani ma’lum qilinmagan.
Ikki tomon bir to‘xtamga kelib, pulni oldi-berdi qilish uchun ma’lum bir vaqtni kelishishgan. Biroq ayol vositachida shubhalanib, bu holat haqida Bosh prokuratura huzuridagi SVOJJDLQK departamenti Toshkent shahar boshqarmasiga murojaat qilgan.
“O‘tkazilgan tezkor tadbir darayonida [vositachi shaxs] ayoldan uning ukasini oliy o‘quv yurtlaridan biriga o‘qishga kiritish masalasini hal qilib berish va’dasi bilan 40 ming dollarni olayotgan vaqtida ashyoviy dalillar bilan ushlandi”, – deyiladi gazeta xabarida.
Qayd etishlaricha, sud tomonidan vositachi shaxsga 10,5 yilga ozodlikdan mahrum etish etish jazosini tayinlagan. Xabarda vositachi shaxs bungacha qancha abiturient qancha haq evaziga qaysi OTMlarga kiritib qo‘yganiga aniqlik kiritilmagan.
Manba: www.kun.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
Buxoro viloyatida «Neksiya-3» avtomashinasi buklanib qoldi
Mojarodan so‘ng Ukrainani nima kutayotgani ma’lum bo‘ldi
Eronning Isroilga hujumi shunchaki spektakl edimi?..
Pentagonning sobiq tahlilchisi G‘arb nega Ukrainada tinchlik istamasligini tushuntirdi
“Tolibon” Eronning Isroilga qarshi hujumini qo‘llab-quvvatladi
Davlat xavfsizlik xizmati maklerlarga qo‘shib mansabdorlarni ham qo‘lga oldi
Shomurodov, navbat “Yuventus”ga!