33 503
Toshkent viloyatida bedarak yo‘qolgan deb e’lon qilingan 24 yoshli talaba qizning jasadi 11-sonli gidroelektrostansiya (GES) hududidagi chiqindilar to‘planadigan kolodetsdan topildi, deb xabar berdi Nova24.uz.
Bosh prokuratura ma’lumotlariga ko‘ra, qizning yo‘qolganligi haqida xabar 10 may kuni tarqalgan. Kibray tumanining "Botanika" mahallasida yashovchi talaba qiz uydan chiqqancha qaytmagan.
2 iyun kuni “Sohibkor” mahallasida joylashgan GES №11 chiqindi qudug‘idan qizning jasadi topilgan.
Jasad sud-tibbiy ekspertizaga yuborilgan. Tekshiruvga ko‘ra, o‘limga sabab — suv nafas yo‘llarini to‘sib qo‘yishi natijasida vujudga kelgan mexanik asfiksiya bo‘lgan. Tanada tan jarohati izlari aniqlanmagan.
Mazkur holat yuzasidan tekshiruv ishlari davom etmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
