Toshkent shahri Sergeli tumanida joylashgan do‘konga o‘g‘irlikka kirgan shaxs tez fursatda qo‘lga olindi. Bu haqda poytaxt IIBB matbuot xizmati xabar berdi, deya yozmoqda UPL.uz.
Ma’lum qilinishicha, Choshtepa ko‘chasida joylashgan va Davlat qo‘riqlash xizmatiga ulangan do‘kondan signal kelib tushgan. Hodisa joyiga yetib borgan huquq-tartibot xodimlari noma’lum fuqaro yuzini yashirish uchun futbolkani boshiga kiyib olganini, tom qoplamasini buzib, do‘konga kirganini aniqlashgan. U yerdan 300 dona sigaret blokini olib chiqib, qochmoqchi bo‘lgan.
Biroq tezkor chora ko‘rgan ichki ishlar xodimlari jinoyatchini ushlashga muvaffaq bo‘lishdi.
Do‘kon egasi avval ham bir necha marotaba o‘g‘irlik holatlari bo‘lganini, biroq faqat qo‘riqlash tizimi o‘rnatilgandan so‘ng jinoyatchi ushlanganini ta’kidladi.
Mazkur holat yuzasidan O‘zbekiston Respublikasi Jinoyat kodeksining “O‘g‘irlik” moddasiga asosan jinoyat ishi qo‘zg‘atilgan.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
