O'zbekistonda jazoni o'tayotgan ayollarni jamiyatga moslashtirish va ularning ta'lim olish huquqlarini ta'minlash maqsadida muhim tashabbus ilgari surildi. Ko'ksaroy qarorgohida Xalqaro xotin qizlar kuni munosabati bilan o'tkazilgan bayram tadbirida jinoyatga qo'l urgan ayollar bilan manzilli ishlashga qaratilgan Yangi hayot dasturi boshlanishi e'lon qilindi.
Ushbu dastur doirasida mahkumalar 3 dan 6 oygacha bo'lgan muddatda turli kasb hunarlarga o'qitiladi va yakunda maxsus sertifikatlarga ega bo'lishadi. Bu ularning ozodlikka chiqqandan so'ng mehnat bozorida o'z o'rnini topishiga yordam beradi.
Eng muhim yangiliklardan biri shundaki, endilikda jazoni ijro etish muassasalarida saqlanayotgan ayollar uchun oliy ta'lim olish imkoniyati kengaytirilmoqda. Ular muassasaning o'zida imtihon topshirib, oliygohlarga kirish va masofaviy shaklda o'qish huquqiga ega bo'ladilar. Kontrakt asosida o'qishga qabul qilingan mahkumalarga esa davlat tomonidan qo'llab quvvatlash choralari ko'riladi. Xususan, jazoni o'tab, ishga joylashgandan so'ng qaytarish sharti bilan foizsiz ssudalar ajratilishi rejalashtirilgan.
Mazkur chora tadbirlar ayollarning ta'lim olishga bo'lgan intilishini rag'batlantirish hamda ularning jamiyatga to'laqonli qaytishini ta'minlashga xizmat qiladi.
“Zamin”ni Telegramʻda oʻqing!
