Garovga qo‘yilgan BYD CHAZOR avtomashinasi sotuvga qo‘yildi
Urganch tumanlararo sudining qarori bilan bank oldidagi 190,8 mln so‘mlik qarzini uzmagan fuqaro X.F.ning BYD CHAZOR rusumli avtomobili xatlangan. Davlat ijrochisi tomonidan qarzni ixtiyoriy tarzda to‘lash imkoniyati berilganiga qaramay, majburiyatlar bajarilmagani sababli transport vositasi sotuvga chiqarildi. Hozirda ushbu avtomobil 264,1 mln so‘m boshlang‘ich narx bilan “E-AUKSION” maydonchasida onlayn savdoga qo‘yilgan. Sotuvdan tushgan mablag‘lar orqali qarzdorlikni qoplash choralari ko‘riladi.
Fuqarolik ishlari bo‘yicha Urganch tumanlararo судининг 05.02.2026 yildagi ijro varaqasiga asosan qarzdor X.F.dan bank foydasiga jami 190,8 mln. so‘m undirish va undiruv qarzdorning o‘ziga tegishli bo‘lgan 2024 yilda ishlab chiqarilgan, qora rangli, BYD CHAZOR rusumli avtomashinasiga qaratish haqidagi ijro hujjati Byuroning Xorazm viloyati boshqarmasi ish yurituviga kelib tushgan va ijro harakatlariga kirishilgan.
Davlat ijrochisi M.Abdukadirov tomonidan qarzdorga qarzdorlik ixtiyoriy berilgan muddat davomida bartaraf etilmasa, garovga qo‘yilgan avtomashina xatlanib, elektron onlayn savdosiga chiqarilishi va savdodan tushgan pul evaziga qarzdorlikni qoplash choralari ko‘rilishi tushuntirilgan holda ogohlantirilgan.
Olib borilgan ijro harakatlari jarayonida qarzdor tomonidan bank oldidagi kredit majburiyatlari bajarilmaganligi sababli, garov mulki hisoblangan BYD CHAZOR rusumli avtomashina xatlanib, 264,1 mln. so‘mda belgilangan tartibda elektron onlayn-auksionlarni tashkil etish markazi orqali “E-AUKSION” yagona elektron savdo maydonchasida sotish uchun savdoga chiqarildi.
Izohlar 0
…