Andijondagi bogʻda attraksion qulab tushdi, odamlar jarohat oldi
Andijon shahridagi Bobur nomli istirohat bog‘ida joylashgan attraksionda zanjir uzilishi oqibatida nosozlik yuz berib, qurilma qulab tushdi. Rasmiy ma’lumotlarga ko‘ra ikki kishi yengil tan jarohati olgan bo‘lsa-da, ijtimoiy tarmoqlarda jabrlanganlar soni kamida yetti nafar ekani aytilmoqda. Hozirda mutasaddi idoralar tomonidan holat yuzasidan o‘rganish ishlari olib borilmoqda va jabrlanganlarga zarur tibbiy yordam ko‘rsatilgan. Mazkur hodisa jamoatchilik orasida ko‘ngilochar maskanlardagi xavfsizlik choralarini va texnik nazoratni kuchaytirish zarurligini yana bir bor kun tartibiga chiqardi.
Andijon viloyatidagi istirohat bogʻida sodir boʻlgan baxtsiz hodisa oqibatida bir necha fuqaro jarohatlandi. Bu haqda viloyat Favqulodda vaziyatlar boshqarmasi maʼlum qildi.
Qayd etilishicha, 26 aprel kuni Zahiriddin Muhammad Bobur nomidagi istirohat bogʻida joylashgan attraksionda nosozlik yuz bergan. Zanjir uzilib ketishi natijasida qurilma qulab tushgan.
Dastlabki maʼlumotlarga koʻra, temir konstruksiyaning sinishi oqibatida ikki nafar fuqaro yengil tan jarohati olgan. Ularga zudlik bilan tibbiy yordam koʻrsatilgan.
Shu bilan birga, ijtimoiy tarmoqlarda tarqalgan xabarlarda jabrlanganlar soni koʻproq — kamida yetti nafar ekani aytilmoqda. Videolarda hodisadan soʻng attraksion qismlari yerga sochilib ketganini koʻrish mumkin.
Ayrim foydalanuvchilar esa bunday koʻngilochar qurilmalar muntazam texnik koʻrikdan oʻtkazilmayotganini taʼkidlab, xavfsizlik masalasiga jiddiy eʼtibor qaratish zarurligini bildirmoqda.
Hozirda holat yuzasidan tegishli idoralar tomonidan oʻrganish ishlari olib borilmoqda.
Izohlar 0
…