O‘zbekiston milliy televideniyesi orqali ko‘p yillar davomida efirga uzatilgan “Otalar so‘zi” ko‘rsatuvining boshlovchisi, donishmand so‘zlari bilan tanilgan Mirabbos ota Mirzaahmedov vafot etdi. Uning o‘limi haqidagi xabar ijtimoiy tarmoqlarda keng tarqaldi va yurtdoshlar tomonidan chuqur qayg‘u bilan qarshi olindi.
Mirabbos ota o‘z hayoti davomida ko‘plab avlodlarga nasihat qilgan, xalq orasida hurmat va e’tibor qozongan inson edi. U ko‘rsatuv orqali hayotiy haqiqatlar, axloqiy qadriyatlar va ota-ona duosining ahamiyatini chuqur tahlil etib, millionlab tomoshabinlarga ma’naviy yo‘l ko‘rsatgan.
Marhumning vafoti nafaqat yaqinlari, balki uni yillar davomida ekran orqali tinglagan va qadrlagan yurtdoshlar uchun ham katta yo‘qotish bo‘ldi. Ijtimoiy tarmoqlarda minglab foydalanuvchilar uning oilasiga ta’ziya bildirar ekan, Mirabbos otaning hayoti davomida aytgan ibratli so‘zlarini yodga olmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
