Emre Kiviljim va Yulduz Rajabova Toshkentda boʻladigan toʻy taklifnomalarini tarqatishni boshladi

Ijtimoiy tarmoqlarda aktyor Emre Kiviljim va aktrisa Yulduz Rajabovaning toʻyi arafasida ekani haqida xabarlar tarqaldi.

Maʼlum qilinishicha, juftlik Toshkentda boʻlib oʻtadigan nikoh marosimi uchun taklifnomalar tarqatishni boshlagan.

Tarqalgan videolarda aktrisa Rano Shodiyeva ham ushbu quvonchli voqea haqida fikr bildirgan.

U oʻz sahifasida yozgan izohida "Mendirman Jaloliddin" filmidagi “farzandlari”ning turmush qurayotganidan xursand ekanini taʼkidlagan.

Rano Shodiyevaga koʻra, ushbu muhabbat barchaning koʻz oʻngida paydo boʻlgan va ijodiy jamoa ularni doimo qoʻllab-quvvatlab kelgan.

Aktrisa, shuningdek, yaqin kunlarda boʻlib oʻtadigan toʻyda yoshlar baxtidan quvonib, ular bilan birga raqsga tushishini ham aytib oʻtgan.