Sankt-Peterburgda 7 yoshli bolani qutqarish chog‘ida o‘z hayotini xavf ostiga qo‘ygan o‘zbekistonlik Xayrulla Ibodullayevning jasorati yuksak davlat mukofoti bilan taqdirlandi. Prezident Shavkat Mirziyoyev farmoniga ko‘ra, u “Jasorat” medali bilan munosib taqdirlandi.
Ma’lum bo‘lishicha, Ibodullayevning bu qahramonligi keng jamoatchilik tomonidan katta hurmat va e’tirofga sazovor bo‘lgan. Uning insonparvarlik va fidoyilik namunasi ijtimoiy tarmoqlarda ham keng muhokama qilinmoqda.
Ibodullayev Instagram sahifasi orqali xonanda Ozoda Nursaidovaning konsertida qatnashgani va san’atkor bilan samimiy uchrashuv o‘tkazganini ma’lum qildi. U o‘z postida: “Ozoda Nursaidova konsertida Ozoda opa bilan samimiy uchrashuv bo‘lib o‘tdi”, deya yozib qoldirgan.
Mazkur uchrashuv aks etgan video ham ijtimoiy tarmoqlarda tarqalib, foydalanuvchilarning iliq munosabatiga sabab bo‘lmoqda. Ko‘plab muxlislar qahramonning jasorati va oddiy hayotdagi samimiy holatlarini alohida e’tirof etishmoqda.
“Zamin”ni Telegramʻda oʻqing!
