O‘zbekiston Respublikasi Prezidenti 2025-yil 3-noyabr kuni AQSh fuqarolari uchun vizasiz tartib joriy etish haqidagi farmonni imzoladi. Bu haqda “O‘zA” axborot agentligi xabar berdi.
Farmonga ko‘ra, 2026-yil 1-yanvardan boshlab AQSh fuqarolari O‘zbekiston hududiga kirgan kundan boshlab 30 kungacha vizasiz bo‘lib turish huquqiga ega bo‘ladi.
Mazkur qaror ikki davlat o‘rtasidagi turizm, savdo va madaniy aloqalarni rivojlantirish, shuningdek, O‘zbekistonning xalqaro ochiqlik siyosatini yanada kengaytirish yo‘lidagi muhim qadam sifatida baholanmoqda.
Mutaxassislar fikricha, ushbu yangilik nafaqat Amerika sayyohlarining O‘zbekistonga qiziqishini oshiradi, balki investitsiyalar oqimini ham kuchaytiradi. Shu bilan birga, ikki tomonlama hamkorlikni yangi bosqichga olib chiqishga xizmat qiladi.
Farmon 2026-yil boshidan rasman kuchga kiradi va O‘zbekistonning vizasiz davlatlar ro‘yxatini yanada kengaytiradi.
“Zamin”ni Telegramʻda oʻqing!
