O‘zbekiston hukumati tomonidan binolarni tashqi devorlarida kuchli yonuvchan materiallarni qo‘llashni taqiqlash rejalashtirilmoqda. Bu haqda 1-dekabr kuni ekologik barqarorlik, qish mavsumiga tayyorgarlik va yong‘in xavfsizligi masalalari bo‘yicha prezident raisligida o‘tkazilgan yig‘ilishda ma’lum qilindi.
Davlat rahbari Shavkat Mirziyoyev O‘zbekistondagi 44 mingdan ortiq ko‘p qavatli binolarda yong‘in xavfsizligi holatini to‘liq o‘rganish zarurligini ta’kidladi. U shuningdek, favqulodda vaziyatlar tizimining yong‘in xavf-xatarlari bilan bog‘liq muammolarga tayyor bo‘lishi kerakligini qayd etdi.
Prezident tomonidan binolarning tashqi devorlarida kuchli yonuvchan materiallarni qo‘llashni taqiqlovchi qat’iy talablarni qonun hujjatlariga kiritish zarurligi ta’kidlandi. Bu chora, ko‘p qavatli uylarda qurilish normalari va yong‘in xavfsizligi qoidalarini xalqaro tajribaga moslashtirishni nazarda tutadi.
Shuningdek, mas’ul rahbarlarning javobgarligini kuchaytirish va qonun loyihasini ishlab chiqish topshirildi. Bu yangilik, binolarda xavfsizlikni ta’minlash va fuqaro xavfsizligini oshirishga qaratilgan muhim qadam bo‘ladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
