Qamchiqda qor kuchaydi — dam olish maskanlari vaqtincha faoliyatini to‘xtatdi
Qamchiq dovonida kuchli qor yog'ishi sababli “Qor Sity” va “Qor Saroy” dam olish maskanlari vaqtincha yopildi. A-373 Toshkent—O'sh avtomobil yo'lining 151 kilometrida qor ko'chish ehtimoli yuqori. Dovonda harakat cheklov ostida emas, biroq haydovchilarga ehtiyotkorlik tavsiya etildi. Maskanlar ob-havo barqarorlashgach qayta ochilishi kutilmoqda.
Tog‘li hududlarda ob-havo sharoitining keskin o‘zgarishi sababli, Qamchiq dovonida joylashgan mashhur mavsumiy dam olish maskanlari — “Qor Sity” va “Qor Saroy” vaqtincha yopildi.
Ayni paytda A-373 Toshkent—O‘sh avtomobil yo‘lining 151 kilometrida, ya’ni Qamchiq dovoni atrofida intensiv qor yog‘ishi kuzatilmoqda. Mutasaddi tashkilotlarning ogohlantirishiga ko‘ra, ushbu hududda qor ko‘chish ehtimoli yuqori bo‘lgani sababli, ko‘ngilochar maskanlar mehmonlar xavfsizligini ta’minlash maqsadida faoliyatini to‘xtatgan.
Hozirda Qamchiq dovonida harakat cheklov ostida emas, ammo yo‘l harakati ishtirokchilariga yo‘l sharoitlariga ehtiyotkorlik bilan yondashish tavsiya etilmoqda. Maskanlar esa ob-havo barqarorlashgach qayta ochilishi kutilmoqda.
Izohlar 0
…