Muborak Ramazon oyi arafasida poytaxt tumanlarida aholini arzonroq va sifatli oziq-ovqat mahsulotlari bilan ta’minlash maqsadida maxsus yarmarkalar ish boshladi. Tashkilotchilarning niyati oddiy: odamlar kundalik xaridni “qimmatchilik stressisiz” qilishi, bozorlarda esa narx-navo sun’iy ravishda shishirilib ketmasligi.
Yarmarkalar dehqon bozorlari va yirik savdo nuqtalarida yo‘lga qo‘yilgan bo‘lib, bu tashabbus prezident topshiriqlari ijrosi doirasida amalga oshirilayotgani ham qayd etilgan.
Yarmarkalar manzillari
- Yashnobod tumani — «Aviasozlar» dehqon bozori
- Yakkasaroy tumani — «Askiya» dehqon bozori
- Chilonzor tumani — Chilonzor dehqon bozori
- Mirobod tumani — Mirobod dehqon bozori
- Mirzo Ulug‘bek tumani — «Navro‘z» dehqon bozori
- Yunusobod tumani — «Oloy» dehqon bozori va Yunusobod dehqon bozori
- Sergeli tumani — Sergeli dehqon bozori
- Uchtepa tumani — «Farhod» dehqon bozori
- Shayxontohur tumani — «Eski Juva» dehqon bozori
- Bektemir tumani — «Qo‘yliq» dehqon bozori
- Olmazor tumani — «Qoraqamish» dehqon bozori
Ma’lum qilinishicha, yarmarkalar Ramazon oyi davomida aholini asosiy mahsulotlar bilan barqaror ta’minlashga xizmat qiladi. Ya’ni, hozir “qaysi bozorga borsam ekan?” degan savolga javob tayyor — o‘z tumaningizdagi dehqon bozoriga kirib chiqsangiz bo‘ldi.
“Zamin”ni Telegramʻda oʻqing!
