Prezidentlar golf maydonida: Issiqko‘lda norasmiy uchrashuv (video)

1 daqiqa o'qish227
Prezidentlar golf maydonida: Issiqko‘lda norasmiy uchrashuv (video)

Bugun, 31 iyul kuni Qirg‘izistonning Cho‘lponota shahrida Markaziy Osiyo davlatlari va Ozarbayjon rahbarlarining norasmiy uchrashuvi bo‘lib o‘tishi kutilmoqda. Kecha uchrashuv oldidan davlat rahbarlari Issiqko‘l bo‘yidagi norasmiy tadbirda ishtirok etishdi.

O‘zbekiston Prezidenti Shavkat Mirziyoyev, Qirg‘iziston Prezidenti Sadir Japarov, Ozarbayjon Prezidenti Ilhom Aliyev va Tojikiston Prezidenti Emomali Rahmon ishtirokida Cho‘lponotadagi yangi xalqaro toifadagi “Golf Resort” sport va turizm majmuasining ochilish marosimi o‘tkazildi.

Tadbirning eng e’tiborli jihati — prezidentlarning golf maydonida ilk, ramziy zarbani amalga oshirgani bo‘ldi. Rahbarlar norasmiy muhitda, norasmiy kiyimda vaqt o‘tkazib, Issiqko‘lning betakror manzarasi fonida suratga ham tushishdi.

Issiqko‘l sohilida barpo etilgan zamonaviy majmua Qirg‘izistonning sport va turizm infratuzilmasini rivojlantirishga qaratilgan loyihalardan biri sifatida e’tibor qozonmoqda.

Davlat rahbarlari Qirg‘iziston rahbari va xalqini yangi obyekt foydalanishga topshirilgani bilan tabriklab, mamlakatning turizm salohiyatini yanada oshirishga qaratilgan loyihalarda muvaffaqiyat tiladi.

Ayni paytda Cho‘lponotada o‘tkaziladigan norasmiy sammit doirasida mintaqaviy hamkorlik, iqtisodiy aloqalar va boshqa dolzarb masalalar muhokama qilinishi kutilmoqda. Prezidentlarning tashrifi munosabati bilan 30 iyuldan 1 avgustgacha Tamchi aeroporti va Cho‘lponota o‘rtasidagi yo‘lda vaqtinchalik cheklovlar joriy etilishi ham ma’lum qilingan.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?