Professional boksning birinchi yarim engil vazn toifasida sobiq jahon chempioni Murodjon Ahmadaliev meksikalik Kevin Gonsalesga qarshi jang qildi.
AQShning Arizona shtatida joylashgan DeSert Diamond arenasida tashkil etilgan boks oqshomi 8-raunddayoq oʻz nihoyasiga etdi.
12 raundga moʻljallangan jangda Ahmadaliev raqibini 8-raundda texnik nokautga uchratdi va gʻalaba qozondi.
Murodjon bundan oldin faoliyatida 12 ta jang oʻtkazib, 11 tasida gʻalaba qozongan. Oʻzbekistonlik bokschi aprel oyida filippinlik Marlon Tapalesga qarshi jangda magʻlubiyatga uchrab, WBA va IBF kamarlarini boy bergandi.
Kevin Gonsales esa prof boksda 26 ta jang oʻtkazib, 25 tasida gʻalaba qozongan. Bitta jangda esa durang natija qayd etilgan. Shu tariqa Gonsales faoliyatidagi ilk magʻlubiyatini qabul qilib oldi.
“Zamin” yangiliklarini “Telegram”da kuzatib boring
