Hasanboy Do‘stmatov WBA kamari uchun jang qilishi mumkin

^{Foto: Getty Images}
Ikki karra Olimpiada chempioni, professional boksning minimal vazn toifasida WBA kamari uchun majburiy da’vogar bo‘lib turgan Hasanboy Do‘stmatov keyingi jangida chempionlik kamari uchun ringga chiqish niyatida ekanini aytib o‘tgan.

“Men barcha unvonlarga erishib bo‘ldim, barcha turnirlarda g‘olib chiqdim. Ikki karra Olimpiya chempioni hamda Vel Barker kubogi sohibiman. Ehtimol bu orqali havaskor boks tarixidagi eng so‘nggi bokschiga aylangandirman.

Agar men erishmoqchi bo‘lgan biror yutuq bo‘lsa, bu professional ringda jahon chempioni bo‘lishdir. Men minimal vazn toifasida WBA yo‘nalishi bo‘yicha jahon chempioni unvoniga majburiy da’vogarman. Jamoam bilan chempion bilan jang o‘tkazish imkoniyatini muhokama qilyapman”, dedi 31 yoshli o‘zbekistonlik sportchi.

Eslatib o‘tamiz, oy boshida WBA eng yaxshi bokschilarning yangilangan ro‘yxatini e’lon qildi. Hasanboy bir yil davomida professional janglarda ishtirok etmaganiga qaramay, minimal vaznda birinchi o‘rinni egallab turibdi.

Ma’lumot uchun, Hasanboy Do‘stmatov Parijda bo‘lib o‘tgan Olimpiadada oltin medalni qo‘lga kiritdi. “Zamin” yangiliklarini “Odnoklassniki”da kuzatib boring