Birlashgan Arab Amirliklarining Dubay shahrida davom etayotgan erkaklar o‘rtasidagi Jahon chempionati qizg‘in pallaga kirdi. Kechagi bellashuvlardan so‘ng 7 nafar hamyurtimiz chorak finalga yo‘l olib, tarkibimizdagi umumiy ruhiy ko‘tarinkilikni yanada oshirdi.
Endilikda navbat — bugungi muhim kunga. Musobaqaning navbatdagi bosqichida yana to‘rt nafar bokschimiz ringga ko‘tarilib, bosh mukofot sari yana bir qadam tashlashga harakat qiladi.
Bugungi janglar quyidagi tartibda o‘tadi:
- -54 kg: Asilbek Jalilov — Amadu Mohammed (Gana)
- -86 kg: Akmaljon Isroilov — Daulet Tulemissov (Qozog‘iston)
- -51 kg: Hasanboy Do‘smatov — Samet Gumus (Turkiya)
- -57 kg: Xo‘janazar Nortojiyev — Sachin (Hindiston)
Toshkent vaqti bilan birinchi dastur soat 18:00 da boshlanadi, ikkinchi dastur esa 22:00 da start oladi. O‘zbekiston boks federatsiyasi janglardan oldin murabbiylar shtabi va sportchilarning ruhiyati ijobiy ekanini ma’lum qilmoqda.
Yurtdoshlarimizni ringda katta sinovlar kutib turibdi. Har bir jang — chorak finalga olib boradigan yo‘lda muhim qadam. Muxlislar esa jamoamizdan yana bir tarixiy kun yasashini umid bilan kutmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
