Shaxzod Muzaffarov 1/8 finalda ishonchli g‘alaba bilan oldinga yurdi

1 daqiqa o'qish488
Shaxzod Muzaffarov 1/8 finalda ishonchli g‘alaba bilan oldinga yurdi
QisqachaAI yordamida tayyorlanganKo‘rsatish
  • Shaxzod Muzaffarov -55 kg vazn toifasidagi 1/8 final jangida iordaniyalik Mahdi Almashalehni 5:0 hisobida mag'lub etdi.
  • U uch raund davomida jangni nazorat qilib, hakamlarning barchasi tomonidan 29:27 hisobida baholandi.
  • Muzaffarov chorak finalda qozog'istonlik ikki karra jahon chempioni Maxmud Sabirxanga qarshi ringga chiqadi.
  • Ushbu bahs 3 aprel kuni o'tkazilishi rejalashtirilgan.

Ayni kunlarda Mo‘g‘uliston poytaxti Ulan-Bator shahri boks bo‘yicha kattalar o‘rtasidagi Osiyo chempionatiga mezbonlik qilmoqda. Ushbu nufuzli musobaqada O‘zbekiston terma jamoasining ikki tarkibi ham ishtirok etib, ringda munosib natijalar ko‘rsatmoqda.

Bugungi janglar doirasida hamyurtimiz Shaxzod Muzaffarov -55 kg vazn toifasida 1/8 final bosqichida ringga chiqdi. U iordaniyalik raqibi Mahdi Almashalehga qarshi kechgan bahsda mutlaq ustunlikni namoyon etib, ishonchli 5:0 hisobida g‘alaba qozondi. Hatto hakamlar bahosida ham bu ustunlik yaqqol aks etdi — 29:27, 29:27, 29:27, 29:27, 29:27.

Muzaffarov uch raund davomida jangning borishini nazorat qildi va raqibiga qaraganda xotirjamroq va aniqroq harakat qildi. Muzaffarov jang davomida tezkor harakatlari, aniq zarbalari va puxta taktik rejasi bilan raqibiga deyarli hech qanday imkoniyat qoldirmadi - hakamlar bir ovozdan g‘alabani o‘zbekistonlik bokschiga berishdi. Hatto uchinchi raundda qoidabuzarlik uchun bir ball olib tashlangani ham natijaga taʼsir qilmadi. Bu g‘alaba orqali u navbatdagi bosqich — chorak finalga yo‘l oldi.

Endi bokschimiz oldida yana-da jiddiy sinov turibdi. U chorak finalda qozog‘istonlik mashhur bokschi, ikki karra jahon chempioni Maxmud Sabirxanga qarshi bahs olib boradi. Ushbu qiziqarli to‘qnashuv 3 aprel kuni bo‘lib o‘tishi rejalashtirilgan bo‘lib, muxlislar ushbu jangni katta intiqlik bilan kutmoqda.

Shu tariqa, hamyurtlarimiz ishtirokidagi bugungi dastur janglari o‘z nihoyasiga yetdi. O‘zbekistonlik bokschilarning ishonchli chiqishlari esa musobaqaning keyingi bosqichlarida ham yuqori natijalar kutishga asos bo‘lmoqda.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?