JCH-2026. Jazoir Iordaniyani mag‘lub etib, irodali g‘alabaga erishdi

1 daqiqa o'qish152
JCH-2026. Jazoir Iordaniyani mag‘lub etib, irodali g‘alabaga erishdi
QisqachaAI yordamida tayyorlanganKo‘rsatish
  • JCH-2026 guruh bosqichining ikkinchi turida Jazoir terma jamoasi Iordaniyani 2:1 hisobida mag'lub etdi.
  • Uchrashuvda dastlab iordaniyalik futbolchi Ar Rashdan 36-daqiqada hisobni ochgan edi.
  • Ikkinchi bo'limda faollikni oshirgan Jazoir safidan Benbuali 69-daqiqada muvozanatni tikladi, Gouri esa 82-daqiqada hal qiluvchi golni urib, jamoasiga irodali g'alabani keltirdi.

JCH-2026 guruh bosqichining ikkinchi turidan o‘rin olgan Iordaniya va Jazoir terma jamoalari o‘rtasidagi uchrashuv nominal mehmonlarning 2:1 hisobidagi g‘alabasi bilan yakunlandi.

Bahs Iordaniya uchun muvaffaqiyatli boshlandi. Jamoa futbolchisi Al-Rashtan raqib darvozasini ishg‘ol qilib, hisobni ochdi. Shundan so‘ng iordaniyaliklar qo‘lga kiritilgan ustunlikni saqlab qolishga harakat qildi.

Biroq ikkinchi bo‘limda Jazoir o‘yin sur’atini oshirib, raqib darvozasiga bosimni kuchaytirdi. Afrika vakillarining harakatlari 69-daqiqada o‘z samarasini berdi. Benbuali gol urib, hisobni tenglashtirdi.

Uchrashuvning 82-daqiqasida esa Gauri hal qiluvchi gol muallifiga aylandi. Shu tariqa, birinchi bo‘lib to‘p o‘tkazib yuborgan Jazoir vaziyatni o‘z foydasiga burib, muhim uch ochkoni qo‘lga kiritdi.

Iordaniya futbolchilari bahs davomida jiddiy qarshilik ko‘rsatgan bo‘lsa-da, so‘nggi daqiqalarda natijani o‘zgartirishga muvaffaq bo‘la olmadi.

JCH-2026. J guruhi. 2-tur
23 iyun. Santa Klara. «Levi's Stadium»
Iordaniya — Jazoir 1:2
Gollar: 
Ar Rashdan 36 — Benbuali 69, Gouri 82.

Iordaniya — Abu Layla, Haddod, Nassib, Alarab, Abudahab, Abu Taha, Ar Rashdan, Ar Ravabdeh, Almardi, Olvan, At Tamari.
Jazoir — Zidan, Belgali, Ait-Nuri, Bensebaini, Mahdi, Zirrukiy, Budaiy, Maza, Mahrez, Chaibi, Guiri.

Guruh bosqichining uchinchi turida Jazoir Avstriya terma jamoasiga qarshi maydonga tushadi. Iordaniya esa jahon chempionatining asosiy favoritlaridan biri Argentinaga qarshi kuch sinashadi.

Har ikki jamoa uchun ham so‘nggi tur bahslari keyingi bosqichga chiqish imkoniyatlari nuqtayi nazaridan muhim ahamiyat kasb etadi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?