Ronaldu o‘g‘li Portugaliya terma jamoasidagi debyutini g‘alaba bilan boshladi

1 daqiqa o'qish3
Ronaldu o‘g‘li Portugaliya terma jamoasidagi debyutini g‘alaba bilan boshladi

Portugaliya U-17 terma jamoasi Yevropa chempionati saralash bosqichi doirasida Andorra yoshlar jamoasiga qarshi maydonga tushib, 4:0 hisobida yirik g‘alabaga erishdi. Ushbu uchrashuv nafaqat jamoaning ishonchli g‘alabasi, balki Krishtianu Ronaldu Junior uchun ham muhim voqea bo‘ldi.

18 yoshli futbolchi bahsning so‘nggi 20 daqiqasida maydonga tushib, Portugaliya U-17 terma jamoasi safidagi ilk uchrashuvini o‘tkazdi. Shu tariqa, u otasi izidan borib, milliy terma jamoa libosida o‘z faoliyatining yangi bosqichini boshladi.

Hozirda Ronaldu Junior Saudiya Arabistonining «Al-Nassr» klubi yoshlar jamoasida to‘p surmoqda. U joriy mavsumda jamoa safida 7 ta uchrashuvda qatnashib, raqiblar darvozasini 3 bor ishg‘ol qilgan.

E’tiborlisi, yosh futbolchining terma jamoadagi debyuti otasi Krishtianu Ronaldu faoliyatida muhim qaror qabul qilgan davrga to‘g‘ri keldi. Ma’lum qilinishicha, portugaliyalik yulduz shu oy boshida milliy jamoadagi faoliyatini yakunlashini e’lon qilgan.

Krishtianu Ronaldu 2003 yilda Portugaliya terma jamoasida debyut qilgan. 23 yildan ortiq davom etgan faoliyati mobaynida u 234 ta uchrashuvda maydonga tushib, 146 ta gol urgan va 45 ta golli uzatmani amalga oshirgan. U erkaklar milliy terma jamoalari tarixida o‘tkazilgan o‘yinlar va urilgan gollar soni bo‘yicha jahon rekordchisi hisoblanadi.

Endilikda futbol muxlislari e’tibori nafaqat afsonaviy hujumchining faoliyatiga, balki uning o‘g‘li xalqaro maydondagi ilk qadamlarini qanday davom ettirishiga ham qaratilmoqda.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?