19:01 / 07.08.2016
7 104

UMS uyali aloqa operatori O‘zbekistondagi faoliyatini to‘laqonli davom ettirishini ma’lum qildi

UMS uyali aloqa operatori O‘zbekistondagi faoliyatini to‘laqonli davom ettirishini ma’lum qildi
Avvalroq Rossiyaning MTS kompaniyasi O‘zbekistonda tashkil qilingan Universal Mobile Systems (UMS) qo‘shma korxonasi sarmoyadorlari tarkibidan chiqishi mumkinligi ma’lum qilingandi, deb yozmoqda "Kun.uz" nashri.

Shu munosabat bilan "Universal Mobile Systems" MChJ o‘z saytida odamlarda go‘yoki kompaniyaning o‘zi yopilishi mumkinligi haqida noto‘g‘ri fikr paydo bo‘lmasligi uchun, rossiyalik sarmoyadorlar kompaniyani tark etgani bilan u o‘z faoliyatini davom ettiraverishini ma’lum qilgan. Xususan, saytdagi xabarda kompaniya uyali aloqa xizmatlari ko‘rsatish lisenziyasiga ko‘ra o‘z faoliyatini 2029 yilgacha amalga oshirishi aytilgan.

Ta’kidlanishicha, kompaniya mobil operatorning barcha xizmatlarini ko‘rsatish, yangi mijozlarni ulash va amaldagi mijozlarga xizmat ko‘rsatishni hamda o‘zining uzoq muddatli rivojlanish strategiyasini barcha yo‘nalishlar bo‘yicha amalga oshirishni davom ettiraveradi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Texnologiya » UMS uyali aloqa operatori O‘zbekistondagi faoliyatini to‘laqonli davom ettirishini ma’lum qildi