Ўзгидромет 13 май куни учун навбатдаги об-ҳаво маълумотини эълон қилди. Синоптикларга кўра, чоршанба куни республика бўйлаб ҳаво ҳарорати янада кўтарилади, ёғингарчилик эса кузатилмайди.
Тошкент шаҳрида ҳаво ўзгарувчан бўлиши кутилмоқда. Ёмғир ёғиши эҳтимоли йўқ. Шарқий йўналишдаги шамол 3-8 метр/секунд тезликда эсади. Ҳаво ҳарорати кечаси 13-15 даража, кундузи эса 27-29 даража атрофида бўлади.
Қорақалпоғистон Республикаси ва Хоразм вилоятида ҳам ҳаво ўзгарувчан сақланади, ёғингарчилик кузатилмайди. Шамол тезлиги 7-12 метр/секундни ташкил этади, айрим ҳудудларда эса 15-20 метр/секундгача кучайиши ва чанг-тўзонлар юзага келиши мумкин. Ҳарорат кечаси 10-15 даража, кундузи 25-30 даража бўлади.
Бухоро вилояти ҳамда Навоий вилоятида кундузи ҳаво 28-33 даражагача исийди. Айрим жойларда кучли шамол ва чанг-тўзонлар кузатилиши мумкин.
Тошкент вилояти, Сирдарё вилояти, Жиззах вилояти ва Самарқанд вилоятида ҳам ёғингарчиликсиз об-ҳаво сақланади. Ҳаво кечаси 12-17 даража, кундузи 25-30 даража бўлиши прогноз қилинмоқда.
Қашқадарё вилояти ва Сурхондарё вилоятида эса энг юқори ҳарорат кузатилади. Ушбу ҳудудларда кундузи ҳаво 30-35 даражагача кўтарилади.
Андижон вилояти, Наманган вилояти ва Фарғона вилоятида ҳам ҳаво очиқ ва қуруқ бўлади. Ҳарорат кундузи 25-30 даража атрофида сақланади.
Республиканинг тоғолди ва тоғли ҳудудларида ҳам ёғингарчилик кутилмайди. Бу ерларда кечаси 6-11 даража, кундузи 14-19 даража илиқ ҳаво бўлади.
Синоптиклар маълум қилишича, иш ҳафтаси охирига қадар Ўзбекистоннинг барча ҳудудларида қуруқ ва иссиқ об-ҳаво сақланиб туради. 15 майга бориб кундузи ҳаво ҳарорати 32-35 даражагача, жанубий ва чўл ҳудудларда эса 36-38 даражагача кўтарилиши мумкин.
“Zamin”ни Telegram'да ўқинг!
