16:23 / 30.04.2022

Урушнинг 65-куни: Ўққа тутилиши давом этаётган «Азовстал» ва Донбассда портлатилган кўприк. Уруш суратлари

Урушнинг 65-куни ўтди. Украина қуролли кучлари Донецк йўналишидаги позициялари ўққа тутилаётганини маълум қилган. Киевдаги турар жой биносига Россия ракетаси келиб тушиши оқибатида «Радио Свобода»нинг Украина бўлими журналисти Вера Гирич ҳалок бўлган. Брянск области губернатори чегара ҳудудлардаги посёлкалар миномётлардан ўққа тутилгани ҳақида хабар берган.

РФ ташқи ишлар вазири Сергей Лавров интервьюсида музокаралар ҳар куни олиб борилаётгани ва унда санкцияларни бекор қилиш масаласи ҳам муҳокама қилинаётганини айтди.

Мариупол

^{«Азовстал» металлургия заводи корпусидан чиқаётган тутун. 21 апрел куни Путин саноат ҳудуди штурмини тўхтатишни буюрганди, аммо ҳудуд қамалда ва зарбалар остида қолмоқда. Заводда ҳарбийлардан ташқари тинч аҳоли вакиллари ҳам яширинган.
Sergei Ilnitsky / EPA / Scanpix / LETA}

^{Мариуполлик киши шикастланган бинода. Уй мебелларининг бир қисми энди кўчада
Alexander Ermochenko / Reuters / Scanpix / LETA}

^{ДХР ҳарбийлари Мариуполдан чиқаётганларни тинтимоқда
Sergei Ilnitsky / EPA / Scanpix / LETA}
Запорожье

^{Маҳаллий аҳоли вакиллари ва фавқулодда хизматлар ходимлари зарарланган автомобилни суришмоқда
Chris McGrath / Getty Images}

^{Маҳаллий аҳоли Россия ракета зарбаларидан кейин ҳудудни тозаламоқда
Roman Pilipey / EPA / Scanpix / LETA}

^{Молотов коктейлларини Россия танкининг қайси қисмига отиш кераклиги ўргатилган баннер
Ed Jones / AFP / Scanpix / LETA}

^{Запорожьенинг зарбалардан кейинги кўриниши. Қуш парвози баландлигидан олинган сурат
Ed Jones / AFP / Scanpix / LETA}
Киев ва Киев области

^{Ирпенда вайрон бўлган уй, Киев атрофи
Valentyn Ogirenko / Reuters / Scanpix / LETA}

^{Одамлар ракета зарбалари вақтида ойналари синиб кетган дераза ўрнини ёпиш учун дарпардалар тайёрламоқда
Valeria Ferraro / ZUMA Press Wire / Scanpix / LETA}
Донбасс шимоли

^{Шимолий Донец дарёси устидан ўтган кўприк кўриниши. Кўприк украин ҳарбийлари томонидан портлатилган. Бу вақтда кўприкдан Россия армияси юк вагонлари ўтаётган бўлган
Yasuyoshi Chiba / AFP / Scanpix / LETA}