Грузияда туристлар учун сунъий орол ва яримороллар қурилиши бошланди

^{Фото: gov.ge}
Грузиянинг Батуми шаҳрида Қора денгиз соҳилида иккита сунъий яриморол ва бир оролдан иборат архипелаг қурилиши бошланди.

«Бугун ўзига хос замонавий лойиҳани бошлаймиз. Бу лойиҳа - иккита сунъий яриморол ва орол қурилиши», — деди Грузия бош вазири Ираклий Гарибашвили.

^{Фото: gov.ge}
Унинг сўзларига кўра, бу ҳудудларда кўнгилочар, соғломлаштириш, спорт, таълим, тижорат масканлари қурилади, туристик йўналишлар ташкил этилади.

Яримороллар ва оролда 500 номердан иборат меҳмонхоналар, савдо ва кўнгилочар марказлар жойлашади.

^{Фото: gov.ge}
Лойиҳага йўналтириладиган инвестиция миқдори 100 млн долларни ташкил этади. “Замин” янгиликларини “Telegram”да кузатиб боринг