1 940
Россия Федерациясининг мухолифлари келажакда мамлакатни кичик қисмларга бўлиб, уларни ўз иродасига бўйсундиришни кутмоқда, дея баёнот берган Россия президенти Владимир Путин. Бу ҳақда РИA Новости хабар бермоқда.
19 май, жума куни Путин Миллатлараро муносабатлар бўйича кенгаш йиғилишида иштирок этган.
«Россиянинг мухолифлари уни ўнлаб кичик давлат тузилмаларига бўлиниш кераклигини айтишмоқда ва бунинг сабаби аниқ», — дея қўшимча қилди Путин.
Унинг сўзларига кўра, ҳамма нарса Россиянинг алоҳида ҳудудларини рақибларнинг ғаразли мақсадларида эксплуатация қилишдан иборат.
«Уларнинг бошқа мақсадлари йўқ», деган Путин.
Эслатиб ўтамиз, Россиянинг Украинага босқинидан сўнг эҳтимолий мағлубият туфайли мамлакатнинг парчаланиши кун тартибига чиқди. Экспертларга кўра, Россия ҳарбий мағлубиятга учраса, сўнгра унинг сиёсий парчаланиши ҳам юз бериши мумкин.
«Замин»ни Telegram’да ўқинг!
19:25, 21-04-2025
