Microsoft асосчиси ва дунёдаги энг бой одамлардан бири Билл Гейтс ўзининг ҳаётда шахсий муваффақиятга эришишингизга ёрдам берадиган тўртта ҳақиқати ҳақида сўзлаб берди.
Билл Гейтс ўзингизни борингизча қабул қилишни тавсия қилади. Чунки бу ўзингизга нисбатан ишонч пайдо бўлиши ва тўғри йўналишда ривожланиш имконини беради.
“Бу дунёда ўзингизни ҳеч ким билан солиштирманг. Агар шундай қилсангиз, ўзингизни ерга урган бўласиз”, — дея таъкидлайди тадбиркор.
Гейтс хатолардан хафа бўлмасликни, аксинча улардан сабоқ олишни маслаҳат беради. Муваффақиятлар — қора-оқ тушунча ёки ҳаёт “ҳамма ёки ҳеч нарса” қабилида талқин қилинмаслиги керак. Унинг фикрича, бу эътиқод муваффақиятсизликдан қўрқувни келтириб чиқаради ва ривожланишга тўсқинлик қилади.
Гейтснинг учинчи маслаҳати — ҳаётингиз учун шахсий жавобгарликни ўз зиммангизга олинг.
"Борди-ю, иқтисодий аҳволи ночорроқ бўлган оилада туғилган бўлсангиз, бу сизнинг айбингиз эмас. Аммо камбағал бўлиб вафот этсангиз, айбдорсиз", - дейди Билл Гейтс.
Миллиардернинг ишончи комилки, ўз ҳаётини назоратга олган инсонлар қашшоқликнинг аёвсиз доирасидан чиқиб, ўсиш ва муваффақият учун имкониятлардан фойдалана олади.
Тўртинчи тавсия ҳаётда бирор нарсага эришганларга қаратилган:
Катта мақсадлар ва орзуларга эришгандан сўнг, хотиржамлик билан курашиш муҳимдир. Ахир бу туйғу хотиржамликка ва тажрибани давом эттиришни истамасликка олиб келади. Бу эса шахсий ривожланишга тўсқинлик қилади. Бундай тузоққа тушиб қолмаслик учун тадбиркор ўзида янги ғояларни синаб кўришни, қарорлар қабул қилишдан қўрқмасликни ва бошқа одамларнинг фикрини тинглашни маслаҳат беради. Бу муваффақият учун яхши стратегия, дея хулоса қилади тадбиркор.
“Замин” янгиликларини “Одноклассники”да кузатиб боринг
