Байден Исроил учун 10,6 миллиард доллар ёрдам сўради. Айтилишича, президент маъмурияти Конгрессга 105 миллиард доллар миқдоридаги бюджет сўровини юборди. У Исроилга ҳарбий ёрдам учун 10,6 млрд долларни назарда тутади.
Пакетнинг энг катта қисми - 61,4 миллиард доллар - Украинага ҳарбий ва иқтисодий ёрдам учун мўлжалланган.
Маъмурият шунингдек, гуманитар ёрдам учун 9 миллиард доллар сўрамоқда - бу Украина, Ғазо сектори ва Исроил учун жами миқдор саналади.
Эслатиб ўтамиз, Ғазодаги вазият кескинлашгач, АҚШ томони Исроилни қўллаб-қувватлашини эълон қилди, Жо Байден ҳатто ташриф билан Тел-Авивга келди.
Олдинроқ АҚШ давлат департаментининг ҳарбий-сиёсий масалалар бўйича бюроси директори Жош Пол Вашингтоннинг Исроилга ҳарбий кўмакни ошириш ҳақидаги қарорига норозилик ифодаси сифатида ўз ихтиёри билан истеъфога чиққанди.
“Замин” янгиликларини “Telegram”да кузатиб боринг
